658பாடும் நிலாவும் பரம ரசிகனும் : வலைப்பதிவு வானொலியில் (முதன்முதலாக?)

62 ஆவது பிறந்த நாளை முடித்து தன் 63 ஆவது பிறந்த நாளை வெற்றிகரமாக தொடங்கும் என் இனிய அண்ணா டாக்டர் எஸ்.பி.பி அவர்கள் தான் பாடுவதற்கு முன் ஜாம்பவான்களின் பாடல்களை மிகவும் ரசித்திருக்கிறார். அதன் தொகுப்பு தான் இந்த பதிவு.

அப்போது பாலுஜி அவர்கள் சீனியர் கலைஞர்களின் குரலுக்கு பரம ரசிகன், தற்போது நான் பாலுஜியின் பரம ரசிகன். ஆக மொத்தத்தில் இருவருமே பரம ரசிகர்கள். இப்படியும் இந்த பதிவின் நோக்கத்தை எடுத்துக்கொள்ளலாம் அல்லவா நண்பர்களே?. இது எனக்காக நான் மட்டும் பதியப்பட்ட நிகழ்ச்சியல்ல. என்னைப் போன்றே உலகம் முழுதும் பரவியிருக்கும் கோடிக்கணக்கான பாலுஜி ரசிகர்களுக்காக இப்பதிவைச் சமர்ப்பணம் செய்கிறேன்.



பாடும் நிலாவும் பரம ரசிகனும் : ஒலிக்கோப்பு - 1

Get this widget Track details eSnips Social DNA

எனக்கு தெரியும்! நீங்கள் இந்தப் பதிவைத் திறந்தவுடன் ஒலிக்கோப்பின் முதல் பகுதியை
அழுத்தியிருப்பீர்கள். அப்படியே கேட்டுக்கொண்டே இந்த பதிவின் எழுத்துக்களையும்
படியுங்கள்.

முதலில், என் படைப்பை சூரியன் பண்பலை ஒலிப்பரப்பத் தகுதியாகத் தேர்ந்தெடுத்து வாய்ப்பளித்த சூரியன் பண்பலையின் நிறுவனத்தாரின் உரிமையாளருக்கும், மேலாளருக்கும், வானொலியின் ”இனிய இரவு இரவின் மடியில்” நிகழ்ச்சியின் அறிவிப்பாளர் கோவை ரசிகர்களால் “டிஜிடல் குரலோன்” என்று அன்பாக அழைத்து வரும் திரு. ஆர்.ஜி. லக்‌ஷ்மி நாராயாண அவர்களுக்கும், மேலும் நான் வழங்கிய ஒலிக்கோப்புகளை ஒவ்வொன்றையும் கேட்டு சிறந்த தகவல்களை தேர்ந்து எடுத்து தணிக்கை செய்து முழுமையான, அற்புதமான, அசத்தலான இனிய ஒலிக்கோப்பாக மிகவும் சிரமப்பட்டு உருவாக்க உதவிய என் இனிய நண்பர் கோவை மக்களால் “இனியவன்” சூரியன் பண்பலையில் இரவு முழுவதும் “நினைத்தாலே இனிக்கும்” புகழ் அறிவிப்பாளர் திரு. ரவி வர்மா அவர்களுக்கும் என் சார்பாகவும் என் அபிமான பாலுஜி சார்பாகவும் சிரம் தாழ்ந்த வணக்கங்களையும், நன்றியையும் பணிவன்புடன் தெரிவித்துக்கொள்கிறேன்.

நாம் ஒரு கடைக்கு செல்கிறோம், அழகான ஒரு பொருளை வாங்குகிறோம், அல்லது ஒரு இனிமையான இசையைக் கேட்கிறோம். இவையனைத்திற்கும் பின்னால் அடங்கியிருப்பது இவற்றை உருவாக்கிய பலரின் உழைப்பின் வியர்வை. அதே போல என் ஒலிச்சேகரிப்புகளையும் என் எண்ணங்களையும் ஒரு தொகுப்பாக படைப்பாக வழங்கியதில் பலரது உழைப்பு அடங்கியிருக்கிறது. இதை இனிய ஒலித்தொகுப்பாக உருவாக்கி தேவையான இடத்தில் மிகபிரபலங்களின் பாராட்டுக்களையும் சேர்த்து இந்த ஒலிப்பதிவின் மகுடத்திற்கு மாணிக்கங்களாக அமைத்திருப்பது பெரும் சிறப்பு. இதன் பின்னால் தான் திரு. ஆர்.ஜி. லக்‌ஷ்மி நாராயணா அவர்களின் உழைப்பும், திரு. ரவிவர்மா அவர்களின் உழைப்பு நன்றாக தெரிகிறது. இருவருக்கும் என் நன்றியை தனிப்பட்ட முறையில் மறுபடியும் தெரிவித்துக்கொள்வதில் மிக்க மகிழ்ச்சியடைகிறேன்.

பாடும் நிலாவும் பரம ரசிகனும் : ஒலிக்கோப்பு - 2

Get this widget Track details eSnips Social DNA

இந்த ஒலிக்கோப்பை கேட்டவருக்கு சில தகவல்கள் முரண்பாடாக தெரியலாம். முற்றிலும் உண்மை தான் இந்த ஒலிக்கோப்புகள் எல்லாம் ஐந்து வருடங்களுக்கு முன் சேகரித்தவை. இந்த ஒலிக்கோப்புகளை, பாலுஜியின் தீவிர ரசிகர்கள் பெரும்பாலோரும் கேட்டிருப்பார்கள். சில பேர் மட்டும் அறிந்திருக்க முடியாது அவர்களுக்காகவும் (இந்த பதிவை நான் எழுதும் போதே பாலுஜி ரசிகர்கள் சில பேர் என் செல்பேசியில் தொடர்பு கொண்டு எங்கே சார் இந்த ஒலிக்கோப்புகளை பிடித்தீர்கள் என்று கேட்டது எனக்கு ஆச்சரியம் தான் உண்டாயிற்று ), சூரியன் பண்பலை “இனிய இரவு இரவின் மடியில்” நேயர்கள் தெரிந்திருக்க வாய்ப்பில்லை என்றே நினைக்கிறேஎன். இவர்களுக்காக தான் இந்த ஒலித்தொகுப்பு. மேலும் இனிய இரவு நிகழ்ச்சியின் சாராம்சமே பழைய பாடல்கள் ஒலிபரப்புவது தான். ஆகையால் நேயர்களூக்கு இந்த தொகுப்பு ஓர் வித்தியாசமாக இருந்திருக்கும் என்று நம்புகிறேன். மேலும் அவர்களுக்கு இந்த இனிய இரவு மகிழ்ச்சியான அமைதியான நிம்மதி தந்திருக்கும் என்பதில் சந்தேகமில்லை.

இனி பாடல்கள் வழங்கிய சிறப்பை பாராட்டியே தீரவேண்டும். பாலுஜி பாடிய பாடாத பாட்டுக்கள் 14 அடங்கிய தொகுப்பை வழங்கினேன். ஒலிப்பரப்பு முடிந்ததுமே சில நண்பர்கள் டி.எம்.எஸ் அண்ணா பாடல்கள் பாடவில்லையா என்று கேட்டார்கள். (போதாதற்கு திரு. லக்‌ஷ்மி நாராயாணா பல்லடம், டி.எம்.எஸ் ஆடியோ வீடியோ கடையின் விளம்பரத்தை தந்து டி.எம்.எஸ் அண்ணாவின் ரசிகர்களை ஆசையை தூண்டி விட்டார்) நான் சொன்னேன் “பாவாடை தாவணியில்” பாடல் உள்ளது ஒரு மணி நேர நிகழ்ச்சியில் நேரம் போதாததால் நிகழ்ச்சியில் சேர்க்க முடியாமல் போய்விட்டது என்று நினைக்கிறேன், நான் வழங்கிய கோப்புகள் தொடர்ந்து 3 நாட்கள் ஒலிப்பரப்பலாம். சில தவிர்க்க முடியாத காரணங்களாக சில பாடல்கள் சேர்க்க முடியவில்லை. அந்த பாடல்களும் கேட்க மிகவும் சிறப்பாக இருக்கும். இந்த இனிய இரவின் நிகழ்ச்சியின் முக்கிய நோக்கமே நேயர்களுக்கு மனதிற்கு அமைதி ஏற்படுத்தும் மகிழ்ச்சியான பாடல்கள் ஒலிப்பரப்புதான் என்று நான் தெரிந்துகொண்டேன். அதன் படியும் பாடல்கள் தேர்வு செய்யப்பட்டிருக்கலாம். ஒவ்வொரு பாடலுக்கும் இடையில் திரு. ஆர்.ஜி. லக்ஷிமி நாராயணா அவர்களின் காந்தக் குரல் கேட்பவர்களின் இரும்பான இதயத்தை இதமாக இழுத்து தன்வசம் வைத்துகொண்டது என்று சொன்னால் அது மிகையாகாது. இந்த ஒலிப்பரப்பின் மூலம் அவர் நிகழ்ச்சியில் சொன்னது போல் மேலும் சில இனிய இரவு புதிய நேயர்கள் சேர்ந்திருப்பார்கள் என்று நம்புகிறேன். இந்த நிகழ்ச்சிக்கு சிகரம் வைத்தார் போல் பாலுஜி பாடீய சினிமா பாடல்களில் பலவற்றை தொகுப்புக்கு தகுந்தவாறு பாடல்களை தந்தது அறிவிப்பாளரின் ரசிப்பின் தன்மை பாராட்டகுரியது. ஜிகினா வேலை என்பார்களே அது போல் நிகழ்ச்சி தொகுப்பில் அவர் பாடிய சினிமா பாடல்கள் மானிக்கங்களாக ஒளிர்ந்து மின்னியது நிகழ்ச்சிக்கு முத்தாய்ப்பாக அமைந்து எனக்கு மிகவும் பிடித்திருந்தது.

மேலும், அறிவிப்பாளர் உங்கள் இனியவன் திரு. ரவிவர்மா அவர்கள் பாடும் நிலா பாலு இந்த பாடல் தளத்தை பார்த்து தான், இந்த நிகழ்ச்சி பதிய வேண்டும் ஆர்.ஜி. லக்‌ஷ்மி நாராயணா அவர்களின் விருப்பத்தை என்னிடம் தெரிவித்து ஓர் பாடல் தொகுப்பை வழங்குங்கள் என்று அன்புடன் கேட்டு ஓர் நல்ல வாய்ப்பு தந்து உதவினார். இதில் அவரின் உழைப்பு வெறும் வாய் வார்த்தைகளால் சொல்லமுடியாது. அவருக்கும் பாலுஜி சார்பாகவும் அவர்தம் ரசிகர்கள் சாரபாகவும் என் நன்றியை தெரிவித்துக்கொள்கிறேன்.

மேலும், எனது ஆருயிர் நண்பர் பாலுஜியின் ரசிகர் தமிழ்மண இணைய தள பதிவாளர் வாத்தியார் என்று அன்பாக அழைக்கப்படும் திரு. எஸ்.வி.ஆர். சுப்பையா இந்த நிகழ்ச்சி கேட்டவுடன் இரவோடு இரவாக அடுத்தநாள் காலையில் வெளியூர் செல்லும் வேலை இருந்த போதிலும். தன்னுடைய அழகான விமர்சனத்தை தகவல்களை ஒரு பதிவாக எழுதி தமிழ்மணம் இணைய தளத்தில் பதிந்தது, என்னை புல்லரிக்க வைத்தது. இதே போல் சென்ற மாதம் கோவையில் பாலுஜி, மெல்லிசை மன்னர்கள் நடத்திய ஒரு இசைக்கச்சேரியின் முழுவிமர்சனத்தையும் உடனுக்கு உடன் இணைய தள வாசகர்களுக்காக வழங்கியது மறக்க முடியாது. அவரின் இந்த அபார திறமைக்கு தலை வணங்குகிறேன் என் நன்றியை தெரிவித்துக்கொள்கிறேன்.

இந்த ஒலி நிகழ்ச்சியின் தகவல்கள் ஐந்து வருடத்து முன்னதாக இருந்தாலும் இப்போதும் கேட்க மிகவும் இனிமையாக மனதிற்கு சுகமாகவும் இருந்தது. நான் இந்த கோப்புகளை ஐந்து வருடங்களாக எப்போது கேட்டாலும் இறுதியில் பாலுஜியின் நன்றி தெரிவிக்கும் பகுதி வந்தால் என்னையறியாமல் என் கண்களின் ஆனந்த கண்ணீர் வந்துவிடும். ஏன் பாலுஜிக்கே மகிழ்ச்சியில் ஆனந்த கண்ணீர் வந்துவிடுகிறதே கவனித்தீர்களா...?.....? இல்லையென்றால் மறுபடியும் ஒலிக்கோப்பை ஓடவிட்டு கேளுங்கள். நிச்சயம் உங்கள் மனதிற்க்கு ஒரு வித நிம்மதி கிடைக்கும்.

மேலும், இந்த நிகழ்ச்சியில் இடம் பெறும் என் ரசிப்பு முற்றிலும் வற்றாயிருப்பு சுந்தரின் ரசிப்பு திறன் ஆகும் ஏற்கெனவே இதே தளத்தில் பதியப்பட்டவை தான். புதியதாக நாங்கள் எதுவும் வித்தை செய்து விடவில்லை அவசரமாக கேட்டதால். பாலுஜியின் பிறந்த நாளில் ஒலிப்பரப்பினால் பாலுஜிக்கு நாம் மரியாதை செய்ததாக இருக்குமே என்று அவசரத்தில் ஏற்பாடு செய்தது.

பாடும் நிலாவும் பரம ரசிகனும் : ஒலிக்கோப்பு - 3

Get this widget Track details eSnips Social DNA

இத்தனை நேரம் தங்களின் விலைமதிப்பற்ற நேரத்தை ஒதுக்கி இந்த பதிவை படித்து, பாடல்கள் கேட்டு, தங்கள் மனதில் ஏற்படும் இனம் புரியாத எண்ணங்களையும் வழங்கி (உங்கள் மனதில் தோன்றியவற்றை வழங்கிவிட்டீர்கள் தானே? ஹி ஹி ஹி ) ஆதரவு உற்சாக தந்ததற்கு மிக்க நன்றி.

குறிப்பு: ஒலிப்பரப்பு நடைபெறும் போது பதிவு செய்யப்பட்டதால், முழு ஒலிக்கோப்பின் நீளம் கருதி மூன்று ஒலிக்கோப்பாக பிரித்து வழங்கியிருக்கிறேன். ஒலிக்கோப்பின் ஒலியின் தரம் சிறிது குறைவாக இருப்பதால் வாசகர்கள் தங்கள் தேவைக்கேற்ப ஒலியின் அளவை கூட்டி வைத்துக்கொள்ளலாம். நடுவில் சின்ன சின்ன விளம்பரங்கள் வரும் தவிர்க்க முடியவில்லை அது இருந்தால் தான் இந்த பதிவே சிறப்பாக இருக்கும். திரு. ஆர்.ஜி.லக்‌ஷ்மி நாராயணா மற்றும் பாலுஜியின் இருவரின் குரலுக்காகவே எத்தனை நேரமானாலும் திரும்பவும் திரும்பவும் கேட்டுக்கொண்டே இருக்கலாம்.

நன்றி, வணக்கம்.

பதிவு: வற்றாயிருப்பு சுந்தர், கோவை ரவீ
குரல் : டிஜ்ஜிடல் குரலோன் அறிவிப்பாளர். திரு. ஆர்.ஜி. லக்‌ஷ்மி நாராயானா சூரியன் பண்பலை
ஒத்துழைப்பு: உங்கள் இனியவன் அறிவிப்பாளர் திரு. ரவி வர்மா சூரியன் பண்பலை

பாலுஜி பாடல்கள் நிகழ்ச்சியில் ஒலிபரப்பட்ட பாடல்கள்

1. ஆசையே அலைபோல - திரு. திருச்சி லோகநாதன்
2. கண்ணே கலைமானே - திரு. கே.ஜே.யேசுதாஸ்
3. நிலவே என்னிடம் - திரு. பி..பி.ஸ்ரீனிவாஸ்
4. சொல்லத்தான் நினைக்கிறேன் - திரு. எம்.எஸ்,விஸ்வநாதன்
5. ஓரு நாள் போதுமா - திரு. பாலமுரளி கிருஷ்னா
6. தேவன் கோவில் மணியோசை - திரு. சீர்காழி கோவிந்தராஜன்
7. காலையும் நீயே - திரு. ஏ.எம்.ராஜா

நிகழ்ச்சியில் நேரமின்மை காரணமாக விடுபட்ட பாடல்கள்.

unsungspb

8. பாவடை தாவணியிலே - திரு. டி.எம்.சவுந்திரராஜன்
9. என்னை தாலாட்ட வருவாளா - திரு. ஹரிஹரன்
10. ஹம்மா ஹம்மா - திரு. ஏ.ஆர்.ரஹ்மான்
11. பூங்காற்று திரும்புமா - திரு. மலேசியா தேவன்
12. ராசாத்தி உன்னை - திரு. ஜெயச்சந்திரன்
13. தென்பாண்டி சீமையிலே - திரு. இளையராஜா, திரு.கமல்ஹாஸன்
14. தூளியிலே ஆட வந்த - திரு. மனோ

இதுவரை கேட்காதவர்கள் வசதிக்காக வழங்கபட்டுள்ளது.

நன்றி.