பாடகர் ஸ்ரீனிவாஸ் அவர்களின் சிறகடிப்பேன் என்ற இசையில் உருவான இசை ஆல்பத்தில் நமது பாலுஜியின் இனிமையான குரலில் அபாரமான மெலோடி பாடல். அருமையான இசை நம் மனதை ஏதோ ஒரு உலகத்திற்க்கு கொண்டு செல்லும் அந்த அனுபத்தை நான் உணர்ந்தேன். பொதுவாகவே ஸ்ரீனிவாச் அவர்களின் பாடும் அழகை நான் வெகுவாக ரசிப்பேன். பாலுஜிபோல் மிகவும் அனுபவித்து பாடுவார் அந்த அழகு என்னை மிகவும் கவர்ந்தது என்றால் மிகையில்லை. அதுமட்டுமல்லாமல் நீண்ட நாட்களாக இந்த பாடலை கேளூங்கள் கேளூங்கள் என்று சென்னையில் வசிக்கும் அதி தீவிர ரசிகை திருமதி யோகாம்பாள் வெங்கட்ராமன் அவர்கள் கேட்டு கொண்டார். இந்த தீபாவளி திருநாளில் தமிழகம் முழுவதும் கொட்டோ கொட்டென்று கொட்டிய மழையால் வீட்டில் இருந்து எங்கும் செல்ல முடியாமல் மழையின் உபயத்தால் இந்த பாடலை கேட்க முடிந்தது. இந்த பாடலை வெகு நாட்கள் கழித்து இதை பதிவு செய்து கொடுத்தார் என்று கேள்விப்பட்டேன். ஆயா பாலுஜியுடன் பாடிய ஸ்ரீஷாவின் குரலும் இனிமை.. இனிமை... நீங்களும் கேட்டு தான் பாருங்களேன்.
பாடலையும் வரிகளையும் சிரமப்பட்டு அனுப்பிவைத்த திருமதி யோகாம்பாள் வெங்கட்ராமன் அவர்களூக்கு உங்கள் சார்பாக நன்றிகள் பல.
//உந்தன் புன்னகை கொஞ்சமாய் கிள்ளி அழகை கொஞ்சமாய் அள்ளி
தோட்டத்திலே விதைத்தேனே //பாடல்: மழை பேசும் வானம் நீயா
பாடியவர்கள்: டாக்டர் எஸ்.பி.பி, ஸ்ரீஷா
பாடலாசிரியர் : மதன் கார்க்கி
இசை:ஸ்ரீனிவாஸ்
சிறு சலனமில்லா ஓர் ஓடையாய் இருந்த என்னில் நீ சொல் வீசினாய்
நீ சொல் வீசினாய்
அழகே
மழை பேசும் வானம் நீயா மணம் வீசும் பூமி நீயா
அலை பேசும் வார்த்தை நீயா தலை கோதும் மேகம் நீயா
தலை கால் புரியா நிலையைக் கொடுத்தாய்
தொலைவான் நிலவாய் அழைத்தேன் உதித்தாய்
மழை பேசும் வானம் நீயா மணம் வீசும் பூமி நீயா
அலை பேசும் வார்த்தை நீயா தலை கோதும் மேகம் நீயா
கரு அருவியைப் போலே கூந்தலினைக் கொண்டாய்
அதில் நனைந்து விட்டேன்
பெரும் கடலினைப் போலே கண்களை நீ கொண்டாய்
அதில் தொலைந்து
விட்டேன்
உந்தன் புன்னகை கொஞ்சமாய் கிள்ளி அழகை கொஞ்சமாய் அள்ளி
தோட்டத்திலே விதைத்தேனே
உந்தன் பிம்பத்தைக் கைகளில் அள்ளி இன்பத்தில் இன்பத்தில் துள்ளி
நெஞ்சுக்குள்ளே புதைத்தேனே
தலை கால் புரியா நிலையைக் கொடுத்தாய்
தொலைவான் நிலவாய் அழைத்தேன் உதித்தாய்
மறு பிறவியிலேனும் உனைத் தழுவிடும் காற்றாய்ப் பிறந்திட முயல்வேன்
ஒரு நொடித் துகளேனும் உன் சுவாசமென்றாகி உயிர் தொட முயல்வேன்
உந்தன் கண்களை இமைக்கும் நொடி நான் கண்ணில் இல்லையே என்று
உடல் கொஞ்சம் மெலிந்தேனே
உந்தன் வார்த்தைகள் நான்கைந்து
கொண்டு மௌனத்தில் கிண்ணத்தில்
மொண்டு தாகம் கொஞ்சம் தணிந்தேனே
தலை கால் புரியா நிலையைக் கொடுத்தாய்
தொலைவான் நிலவாய் அழைத்தேன் உதித்தாய்
மழை பேசும் வானம் நீயா மணம் வீசும் பூமி நீயா
அலை பேசும் வார்த்தை நீயா தலை கோதும் மேகம் நீயா
Add a comment